疲憊得很.....失去靈魂.....

blank

Given Up

進入第3個Week 了........

等吧........

愈等愈怕

愈等愈急........

極度討厭這種感覺
..............
........
....
.
.
.
.
.
.
.

還等嗎?












我該怎樣做.......

傻

曾經都以為一切都完了, 一切都放下來了, 不再想, 不再回望...... 以為自己可以長大, 可是最終原來只是在原地踏步而已......

今天意外地再看見熟悉的你, 才驚覺原來一直都沒有把過去放下. 我討厭自己過份念舊, 永遠都不懂得 "忘記背後, 努力面前" 的道理. 太傻了, 但總是不懂離開, 就當是前世欠了你吧... 要還給你的, 早已還清, 記憶......可否將我放生?

懂得安慰朋友, 但卻不懂安慰自己, 可笑! 真的懷疑, 我會比你早死! (過份... 竟然將你的負能量接收了! haha~) 幸好我的自我復原能力十分強大, 我知道我一定能逃脫這個陰霾的! 信我! 我一定可以!

My Dearest Friend

用了一個晚上

於街上安撫好朋友的情緒

幸好, 你沒有出事...

My dearest friend,

I'll always love u!

給朋友

很想學電影的情節般, 將自己的手提電話狠狠地拋進大海之中! 有型!! ... 奈何 ... 明知要用錢再買... 多餘兼樣衰...

朋友面對感情問題, 為何要找我替他解決?

朋友說他要自殺了, 為何要苦苦地勸告他?

朋友, 你要明白, 要變的始終會變, 已變的更加不用多說

死, 絕對不能解決問題,

死, 只會將問題留給你身邊所有愛你的人罷了

死, 是自私, 是逃避的

大家都努力地面對自己的問題

為何你要這樣?

為何要我們擔心?

你根本沒有失去些什麼

你失去的, 只是一個不再愛你的人

而她失去的, 卻是一個愛她的人

也許

她失去的比你多吧

至少, 我是這樣的去想......

我也很疲累了

請告訴我

我該如何幫助你......

感覺

懂得安慰, 開解別人, 但卻從來不懂得講出自己的感覺感受, 一直都是一個這樣子的人...... 所以我朋友很多, 但可以和我談心事的, 卻不多. 遇事不會求救, 不開心我會獨個兒面對, 盡力不讓自己負面的情緒影響到身邊的人. 我知道你們是關心我的. 但總是不想說出自己的憂慮, 或許是害怕再面對罷了. 愈是不去面對, 愈是容易構成陰影. 自從認識了"你", 我說的話多了, 想的都比以前多了! 真的改變了ma?? 我還未能知道...

今天收到你的一個好消息! 真的為你感到開心! 你從來都是優秀的一個. 亦因為你的好消息, 令我更擔憂自己的狀況...

惡作劇之吻

很喜歡這一套台劇!

男女主角都太完美, 太不真實了. 我相信只有超級好運的人, 才能夠有"笨蛋湘琴"這樣不可思議的際遇! 現實生活中, 究竟有多少人可以找得到自己的 "直樹" 呢? 或許, 我太過悲觀了吧!

其實一直以來都覺得自己十分遲鈍...... 很多時侯都是後知後覺...... 希望自己都可以成為幸福的湘琴啦 ~^^~

黑, 白, 灰

香港人的壓力是否已經達到爆燈的指數? 彷彿每一個香港人都對身邊的人很冷漠, 甚至達到"mean" 的程度呢!

面對著排山倒海的 job interview, 真的感到很累...... 幾個星期前的那個interview, 留下了不少的陰影! 唉, 是不是一些PRC 的公司會對所有的 interviewee 都抱著這樣不禮貌的態度! 還說自己是一間"顧問公司", 真是太過份了! 得到好朋友的開解, 心情回復了, 但似乎依然未能走出那可怕的陰霾之中...... 就把它當作是一個經驗罷了...... 不再去想... 不要記得...

還是和朋友一起的日子開心, 人開始懶散了... 閒時也不再努力 send CV, 選擇了和好朋友打波, 打麻雀, 行街食tea... 為什麼又變成這樣子? 不是說過要努力的嗎? 要多久, 才能學會負責任? 有時候, 真的覺得自己太過份了... 何時才能有改變? 要相信自己的能力, 要做到想做的事情, 究竟要花多少努力? 世界上是否真的沒有不勞而獲?

世界似乎又開始變成灰色了......

對不起, 又再一次想起了你......

生活意義

前日去大埔in 東方, 順便約Ms安祖出泥食Lunch + 行街街~ 好開心~ 大埔一日遊 ~ ^^ ~ maybe 之前我地打波打得大激, 打到周身都痛 =.= 一邊行一邊感受著Muscle 的酸痛!> < 其實到呢一個 moment, 大家都唔知自己鐘意做D 咩 o野類型ge 工作, 或許行頭太闊, 令我地失左方向la, 不過我信我地一定會搵到理想 ge career path ge! 加油!

近排, 多了留意身邊發生的事情. 要有生活在這個世界上, 其實是很容易, 但要生活得有意義, 有價值, 其實是很困難. 大家都在努力維持生活! 要搵錢, 必定要有付出 (或許是自己太過 Money-oriented 了). 錢是否能夠讓人快樂? I doubted; 但我明白沒有錢, 是很難生活得無憂無慮的, 特別是在香港這個物質社會中. 很無奈, 人往往要向現實低頭, 追求便得要付出. 可悲的是, 這個永恆的事實, 沒有人可以令它改變.

珍惜

今日一早就去左金鐘一間 PR 公司做 written test~ 嘩, 天氣好熱好焗, 行到好辛苦呢. 做左2個幾鐘, 都 ok 得意, 個post 係 PR Officer, 不過就考 Translation, 幾搞笑~

做完個Test 就o係金鐘逛左一陣, 行下行下, 有好多以往ge 記憶都浮現左出泥. 記得細細個o個陣, 爸爸同媽咪成日都帶我周圍去玩, 塔電車啦, 行香港公園, 遊巴士河~ 真係好開心好懷念~ ^^ ~ 有時候真係希望時間可以停留o係呢一刻, 永遠都唔會前進, 保留住而家呢個moment 的一切...... 明知是沒有可能的事, 不過有時候發一下白日夢都好開心~ 看了志雲飯局訪問欣宜的那一集, 更覺要學懂珍惜, 一但失去, 想追都追不回, 後悔也來不及. 一早就明白這些道理, 所以一直很珍惜與家人相處, 和朋友談心的時間和機會, 不希望再給予自己後悔的機會. 試過了失去, 才會懂得珍惜.

那一個年頭, "你"突然地消失了, 更令我感到人生的無常. "你", 真的太傻了... "你"知道嗎?

Ugly Betty

終於睇完了 Ugly Betty Season 2喇, 最後呢一集無令我有好期待 next season ge 衝動... 其實成套劇係好好睇, d model 同衫都好靚, 劇情都好吸引, 又可以學多D 英文~ 真係唔錯~ 其實Betty 睇睇下都唔係太醜者~ 點解要咁emphasis 佢係"醜"女呢... 其實有D 人外表好靚, 但係心地唔好咪仲 "醜", 唔通呢個世界真係咁膚淺, 齋睇外表? 近期 pearl 播緊o個套Pushing Daisies 都 ok 好睇, 好有 Tim Burton Feel~ 一向都好鐘意Johnny Depp o個一類奇奇怪怪, 陰陰沈沈o個D Feel ge 戲~ 睇左幾集Pushing Daisies 都覺得唔太悶, 不過故仔其實無咩好戲劇化ge o野出現, 唔睇一, 兩集都跟得到o個隻~ 所以都怕自己無恆心追落去~ keke~

~CRE + Happy Sat Night~

是日去了何文田一間中學考 CRE, 嘩! 好辛苦... 由1:45 考到 7:15... 中間雖然有20分鐘 break, 不過真係折磨... 鬼叫自己屎忽痕, 報哂4份paper 咩, 真抵死. 其實D paper 真係唔係太難, 不過要諗, 係唔夠時間做~ 盡左力做就對得住自己啦~ hehe~ 等緊考試期間, 發覺到人一D 令人討厭 ge 行為, 就係專登好大聲咁同身邊ge人傾計, 特登想周圍 ge人知道佢講緊咩, 雖然人係有講o野ge 自由, 不過咁樣ge 行為真係有D 核突.

做完就急急腳走去MK回合"親愛的"Toto~ 去左家樂食台灣o野, 由於兩口子都極度饑餓, 叫左2個主菜, 2個小食, 2杯drinks~ 唔夠半粒鐘就俾我地掃光哂~ keke~ 發覺HK 愈開愈多食台灣o野ge鋪頭~ 呢期唔通hit 台灣o野~ hehe~ 食飽飽就去左買衫~ Thanks Toto 陪我行左咁耐la~ ^^ ~ 我又諗起我地上年ge 台灣之旅~ 好開心~ 自從Toto 你返左工之後, 都好少見到你~ 今日終於約到一齊Dinner 行街街真係好開心ah~ haha~ 你呢個大忙人呢~ 得閒要relax 下呀~

P.S. 今日, 我碰到一個很似"你"的人, 令忘記了的, 再次浮現......

P.S. I Love You

從來都未試過睇一套戲由頭喊到尾... 記得對上一次睇戲睇到喊係睇小Q.

"P.S. I Love You" 呢套戲竟然會令我一路睇一路喊, 喊足2個鐘... 其實而家諗返起, 套戲其實喊位都係得幾個, 但係真係好唔明自己點解可以睇到每一個shot 都好想喊, 好彩係睇DVD 者, 如果o係cinema 睇, 大家一定會以為我痴左線... 或者呢幾日我都有好多負面ge 情緒la, 借呢部戲一次過發哂出泥! 今朝一起身, 感覺自己隻眼腫到呢...

P.S. 今日要繼續努力send CV! 我唔要做double lost ah!!!!

無得改ge 衰性格!

讀書讀左咁多年, 終於都讀到 U grad 喇, 為左慶祝自己有一個新ge 開始, 所以決定開一個新blog! 希望以後的每一篇每一句, 都係開心愉快的啦!! I AM VERY PROUD OF BEING A CITYU STUDENT!

記得同PY 一齊奮鬥o個兩年真係好痛苦, 不過又好充實, 好懷念... 不過呢D 經歷, 真係一次就夠喇... o個種無助同驚ge 感覺, 真係一世都唔會忘記. 雖然大家都去左唔同ge U, 但係大家都可以一齊入到 U, 真係好開心! 仲記得第一日返到City, 人生路不熟, 又無朋友, 真係好慘... 不過我真係好好彩, 可以識到你地 - Angel, Abby 同Sonia. 如果呢兩年無左你地o係我身邊, 我都唔知自己會變成點樣. 自問係一個十分依賴, 又唔夠獨立ge 人, 到我出泥做 o野, 又要從新面對所有, 我真係好怕...... 究竟我要幾時先可以學會獨立?? 幾時先可以學會做一個有責任感的人?? 唉......

身邊ge 朋友仔都開始積極搵工, 見工, 有D 仲已經搵到, 仲返緊工tim, 迫到自己好大壓力... 雖然話exam 過後, 係應該去relax 下, 不過我好驚, 好驚自己僧搵唔到工, 好驚自己搵左一份自己唔鐘意ge 工, 好多好多的擔心. 呢幾日終於的起心肝send CV, 不過我到呢一刻都唔知自己鐘意D 咩, 想做D 咩, 無direction ge 感覺好難受, 好辛苦... 讀Business 係咪一定要做返Business-related ge 工作? really doubted.... Maybe 基於自己ge 反叛心態, 我apply 左一個超級唔關事ge job, 我Apply 左做警察... 同朋友仔講, 佢地竟然個個話 "一早都估到你會考ga 喇!!" 點解你地會咁叻, 知我諗咩ge? hehe...... 我係咪真係鐘意做, 我到呢一刻都仲未知......好憎自己咁無主見, 咁無理想, 又咁無方向...... 我以為到我大個D, 就可以有更加明確ge 目標... 但好可惜... 人ge character 係唔會變ga, 我依然係我, 過左咁耐都係咁ge...... 點解? 算啦, 可能我就係咁隨遇而安, 隨心所欲la, 鐘意點就點... 呢D 咁ge 衰性格真係要改!!!!!